Bedayaa


 

 

نظرة المجتمع المغاير للمثلية الجنسية في مصر

 اعد التقرير : مهند محمد

أبدأت الكتابة و في خاطري الكثير من الافكار لا اعرف من اين ابدا والي اين سانتهي,فاستمعت الي بعض الموسيقي الهادئة حتي استطيع ترتيب هذه الافكار و جمعها لتصل اليكم بالشكل المناسب,بدات في التفكير في المجتمع الذي اعيش فيه راغبا ان افهم ؟

راغبا ان اعرف اجابة لسؤالي !

ما هي نظرة المجتمع (المغاير) الي مثلي/ات الجنس ؟

تصفحت العديد من المواقع حتي اجد اجابة و لكني وجدت ان معظم الاراء المتعلقة حول الموضوع لا تستكفي رغبتي, حيث ان هناك احتمال كبير بعدم مصداقيتها اما بالسلب او الايجاب,فاردت ان اعرف الاجابة و لكن بشكل اخر,قررت دخول عالم المغايرين (الهيتروسكشوال) و اسأل اقرب الاشخاص الي.

·       ايه اول كلمة بتخطر علي بالك لما بتسمعي كلمة شاذ جنسيا او مثلي الجنس؟

ماما:- "حرام"

·       طيب انا لما كلمتك قبل كدا عن الفرق بين الشاذ جنسيا و المثلي جنسيا انتي مقتنعة بالكلام ده؟

ماما:- لا

·       يعني انتي عارفة اني هدخل النار ؟

ماما:- الله اعلم ربنا هيحاسب كل واحد ازاي بس اكيد هتتحاسب

 

ده كان راي ماما لما كلمتها في الموضوع و ده كان اهم رأي عندي. زعلت جدا لما لقيتها بتقولي كدا مع انها راحت معايا قبل كدا للدكتور علشان" تعالجني" و الدكتور قالها ابنك مش مريض علشان يتعالج و كانت شبه مقتنعه بكلامه بس واضح ان انا فهمت غلط.

قررت بعد ذلك ان ابحث في جهة اخري,قررت الذهاب الي الجامعة و سؤال اصدقائي هناك عن وجهة نظرهم في الموضوع, و هل ستكون هي نفس الاجابة ام ان فرق الثقافة و الجيل سيغيرون من وجهة النظر السائدة في مجتمعي للمثلية الجنسية علي اساس انها"عيب و حرام" .

بدأت اول شئ بسؤال اقرب اصدقاء لي في الجامعة عبارة عن ثلاثة اولاد و بنت متوسط اعمارهم (19-22) كان اول سؤال كالاتي:_

اية رايكم في مقوله "انت حر اذا لم تضر"؟

-        صح / كويسة / صح طبعا

-طيب لو اكتشفت ان صاحبك مثلي الجنس او شاذ جنسيا هتعمل ايه؟

-هقول لاهله / هو حر في نفسه /هبعد عنه / هنصحه واسيبه

 

-طيب انت تعرف ايه الفرق بين الشاذ جنسيا و مثلي الجنس ؟

-لا /الاتنين واحد / مافيش فرق / فرق قليل

 

-طيب تعرف ايه رأي الدين في المثلية الجنسية؟

النار طبعا / اكيد النار

 

علي الرغم من صعوبة الكلام في موضوع المثلية الجنسية في حضور بنت مع  اصدقائي الا اني اعجبت بتفتح عقلهم  بل و رغبتهم في مساعدتي في سؤال اشخاص اخرين من الجامعة و بالفعل كانت الصدمة حيث ثلاثة اولاد و بنتين متوسط اعمارهم ما بين (18-19) رافضين تماما حتي معرفه الاسئلة التي تتعلق بالموضوع.

حاولت ان اعرف سبب رفضهم و كان الرد  "اصل في بنات قاعدة" !!!!!!!

و قد كان هذا سبب رغبتي في سؤال مجموعة من البنات فقط .

وجدت ثلاث بنات "محجبات" متوسط اعمارهم ما بين (19-20) :-

ايه رايكم في مقولة انت حر اذا لم تضر ؟

-        مقوله صح جدا

طيب لو اكتشفتوا ان صاحبتكم مثلية جنسيا او شاذه جنسيا هتعملوا ايه؟

-        هنساعدها و لو مقبلتش هنبعد عنها

 

طيب انا قولتلكم شاذه جنسيا او مثلية جنسيا... انتوعارفين الفرق بينهم ايه و هو في فرق اصلا ؟

-لا مش عارفين و نعتقد ان مافيش فرق

 

طيب لو في ندوه او محاضرة اتعملت علي موضوع زي الموضوع ده هتحضروا؟

-لا

 

توجهت بعد ذلك الي المترو في حاله من الدهشة راغبا ان اذهب للبيت فوجدت في طريقي رجل كبير السن فقررت ان اساله و يحصل اللي يحصل.

هو مدرس لغة عربية يبلغ من العمر 35 عاما .

ايه راي حضرتك في مقولة انت حر اذا لم تضر؟

كالعادة  " سليمة 100% "

طيب لو حضرتك اكتشفت ان "ابنك" مثلي الجنس او شاذ جنسيا هتعمل معاه ايه ؟

اعوذ بالله لا متخيلش ابدا ان ابني يكون كدا .

طيب لو نفترض حتي ان ده حصل؟

هنصح و لو مسمعش هبعد.

طيب هو في فرق بين الشاذ جنسيا و مثلي الجنس؟

معرفش. !!!!!!!!

 

      ثم .............

 

واحد ليمون و النبي يا عم احمد دمي محروق

" عم احمد 47 عاما معهد فني تجاري"

بقولك ايه يا عم احمد ايه اول كلمة ممكن تيجي علي بالك لما تشوف واحد مثلي او شاذ جنسيا ؟

-        مريض

 

طيب هو في فرق بين الشاذ جنسيا و مثلي الجنس؟

-        مش قوي – تقريبا كلة شاذ

 

انت مسلم صح ؟ اه طبعا و حافظ القراَن .

 

طيب ايه وضع الناس دي في القراَن؟

انا مش فقيه مقدرش اعرف

 

و قوم لوط يا عم احمد؟

قوم لوط دول هما هما المثليين جنسيا.

 

و قد كــــــــــــــــــــــــــــان......................

 

المكتب الاعلامي لبداية

 

 


 -          حمامات ولكن
 
 أعد التقرير ألفريد مطر
 
 
 

 

حمام ميدان عبد رياض حمام زية زى اى حمام عمومي , بيدخلة فى اليوم نسبة لا بأس بها من

المثليين , بيعتبروه مكان للمتعة مكان لتقضية الوقت اهو بدل ماتتمشى علشان تجهرشلك واحد

يروح معاك البيت وفى الاخر متلقاش , ادخل حمام عبد المنعم رياض وادخل على المبولة

واستنى رزقك .... أو أستنى أجلك , لو أنتا شكلك باين عليك غنى  تدفع ال 50 جنية  لو انت

غلبان تدفع اللى يقدرك عليه ربنا لو عاندت ومدفعتش هيفضل واقفلك على المبولة اخرك 2 دقيقة

وتطلع ولو مطلعتش نهار أبوك أسود , عم "محمد" الراجل الطيب الغلبان اللي شغال فى الحمام

هو من يقوم بأستغلال بعض المثليين  مادياً من المترددين على الحمام .. ويا الدفع يا هتدخل بس

ابقي أحمى نفسك بقا من البلطجية .. وورينى ياشاطر هتعمل معاهم ايه ا. ي 24 سنة زى

عادتى كل يوم بدخل الحمام اغير جو ومنها اشوف اى حد يعجبنى واعمل معاه سكس المهم رحت

ولسه بدفع رسوم دخول الحمام 50 قرش .. لقيت الراجل العجوز اللى بيقعد على الحمام بيقولى

" بقولك ايه الشغل دا مينفعش ياتدفع زى كل زمايلك التانيين يا مش هينفع " رديت عليه قولتله

زمايلى مين ياعم ماهى بنص جنية تذكرة الدخول , لقيته بيقولى" أنتا فاهم وانا فاهم ادفع النهاردة

ليله حلوة والجو هادي , وكمان انا مابخدش حاجة فى جيبي انا بدفع الفلوس دى للبلطجية اللى

 بتوع الموقف اللى بيحموا المكان , بدل مايدخلو عليكم ويضربوك ويعوروك ويقلبوك . شوفت

انا بعمل لمصلحتكم ازاى " طبعا انا ولا داخل فى دماغى كل الكلام دا بس خفت من أنه يستلمنى

كل مرة فدفعتلو الفلوس خوفا على انه يمنعنى من دخول الحمام او يخلي البلطجية يضربونى

  وكان حمام عبد المنعم رياض صورة من صور الاستغلال المادى والتحرش بالمثليين  والاعتداء

عليهم سواء من بلطجية الموقف أومن المثليين  أنفسهم, .....  

هناك أيضا

 حمام الملاطيلي (المرج وشى حاليا) , حمام ميدان رمسيس , حمام التلات , حمام الاربعاء , مع

العلم ان لكل حمام قصصه ولكل حمام رواده . واذا اعتكفنا لكتابة هذه القصص لا يكفى المحيط

حبرا لكتابتها ..

         حمام المرج

 من خلال صديق لياعرفت حمام المرج .. وقاللى تعالا نروح . وروحت ودخلت لقيت الحمام

كله gays وصاحب الحمام كمان كانgay كنت متفاجئ ومنبهر كأنى فى مجتمع تانى كأنى فى

حتة برا مصر .. دخلت غيرت هدومى فى غرفة التغيير .. كان الحمام  مكون من مغطس

وحمام بخار و ثلاث غرف مقفليين كانوا جاذبيين انتباهى كنت عايز اعرف فيهم ايه ..طبعا كان

فى نظرات لمسات قفشات .. نزلت المغطس وشوية لقيت خمسة ستة معايا فى المغطس

..وأبتديت الجهرشة من واحد من اللى معايا فى المغطس .. مكنتش معجب بيه فخرجت من

المغطس وروحت على غرفة البخار , فجالى شخص كلمنى .. على انه تبع صاحب الحمام ,

فقالى انه معجب بيا ..وقلتله بس انا مش معجب بيك . وكان فى واحد صحبه معاههوكمان

بيبصلى بصات اعجاب .. وكنت معجب بيه جداا .. فتعرف عليا .. ولما اخدنى دخلنا غرفة من

الغرف المقفولة .. واكتشفت انها غرفه بسرير ومارست معاه الجنس .. واكتشفت ان الغرف دى

صاحب الحمام عاملها لتوفير ممارسة الجنس فى الحمام  ... دى قصتى فى حمام المرج .

 بقية الحمامات بيحصل فيها زي اللي بيحصل في المرج وعبد المنعم رياض من صور لأستغلال

المثليين جنسيا  واستغلال خوفهم أو جهلهم  واحيانا تفريغ للرغبات المكبوته, كما وأيضا مكان

للعمالة بالجنس مقابل مبالغ زهيدة .انا حبيت أنقل صورة للواقع اللي بيمر بيه كتير من المثليين

زي ماهو ممكن يكون كتير من  الناس شايفين ان اللي بيحصل داخل الحمامات ده عادي وفي ناس

تانية شايفة انو المفروض مايحصلش بس أنا شايف ان الللي بيحصل جوة الحمامات ده نتيجه

لعوامل كتيرة منها الجهل والفقر والخوف والتهميش لفئة من المجتمع لم تجد سوى أماكن مغلقة

مثل تلك الحمامات لممارسة رغباتها وميولها برغم المخاطر التي تحيط بهذه الممارسة في تلك 

الأماكن ألا وهي المتحرشين والبلطجية الذين يترددون على هذه الاماكن لإستغلال المثليين جنسيا 

 

المكتب الإعلامي لبداية